2020 Kum Aiin 2021 Kum A Rapthlak Sawn Ding An Zum

Umm…kum a thar cun ziangkim a thar ding tin minung pawlin ruahsannak kan nei ṭheu. Asinan, Nobel Peace Prize ngahtu UN agency World Food Program pawlin “2020 kum aiin 2021 kum a rapthlak sawn ding’ tin thu an suah cu hna a ngam lo nasa.

2020 kum sungah thil rapthlak zetzet kan tong / thei zo. Himi cu a thoknak fang a si an ti, World Food Program pawlin “2020 kum ih harsatnak phunphun (Coronavirus telin) cu cozah pawlin sumpai thawn an tuamhlawm thei lai, mipi bawmnak (stimulus) tivek an pe thei ih leiba thawn an cangvai thei a si.

2021 kum ahcun pampi a thleng ding, harsatnak rapthlak zet a thleng ding” an ti. 2020 kum sung khalah pam a thleng rero zo, African le ram ṭhenkhat ahcun rawlei ding an nei nawn lo ruangah mithi khal an tam zet zo ti a si.

Leiltun ih miharsa pawl bawmtu khal an cangvai thei lo vivo dingih harsatnak nasa zet a thleng ding lai ti an zum. World Food Program cun biblical sirhsan ih pam pawl khal a thleng lai ding an ti. (#Ziang dinhmun ih kan um asikhalle zumtu cu thlaphang beidong ding kan si lo. Leitlun cu kan khualttlawngnak men a si ti kan theih ringring a ṭha)

Be the first to comment

Leave a Reply

Your email address will not be published.


*