An Innhnen Tei Uico A Bo Ringring Ruangah An Nupa In A That >>>

Thailand, Mueang Chonburi ih um kum 49 mi Jirat Wuttimananon in an innhnen tei uico bo cu a ning thei tuk. November 10th zan nazi 10:00PM hrawng ah an uico cu a bo ciamco sal, Jirat Wuttimananon cu ava feh ih nan uico hi daiten umter uh ava ti.

Asinan, an innhnenpa in arak ngaihsak duh lo ruangah a thinheng tuk ih meithal ava la. An innhnen tei nupa Mr. Yothin (kum 39) le Boonyanee cu an innhmai ah thil an rak tuah rero lai a si.

Jirat Wuttimananon cu thinheng tuk in ava sal ih an nupa in a kap that, uico khal kahthat a tum nan arak tlanhlo man. Cutin, a that hnuah palik hnenah ava hlanaw ih a thilsual tuah cu a sim.

Jirat Wuttimananon in “An uico bo ka ning thei tuk, vei tampi ka complaints zo nan in ngaihsak duh lo. Ui neitu pa in ‘uico thawn nan sualawk duh asilen na thuthu a si in ti ruangah meithal in vei 10 ka kap. Ṭongkam elawknak khal keimah ten ka cinfel mei” a ti.

Boonyanee ih naunu Wassana khal an inn ah a um ve nan hliamhma a tuar lo, Wassana in “Kan inn kiangkap ah motor an ra cawlh tinten kan uico in arak bo ringring. Jirat cu thinheng zetin ara ih ṭongkam an elawk hnuah meithal in a kap ciamco” a ti.

Innsangpa Mr. Yothin cu meithal kahnak hliamhma a tuar tam zet ih a hmun rori ah a thi cih, a nupi Boonyanee cu a mit ah kah a si. Siizung ih an phur laiah a thi ve. An thuhla buaipitu palik in Jirat Wuttimananon cu sirawknak mithmai khal a nei lo, tualthat thubuai 2 orhter in kan kai a si’ a ti. (The Thaiger)

Be the first to comment

Leave a Reply

Your email address will not be published.


*