Mizoram Cozah Zung Bauhtu Myanmar Mi An Kai

May 17 ah Mizoram, Champhai, Agriculture Office bauhtu an kai. Kum 42 mi James Van Lal Tlana hi Myanmar, Khawmawi khua ih um in a rel’aw.

Agriculture Office ih thilri a ru ih 125 thawn Myanmar lam ih a tlung lai cu palik pawlin an rak kai ngah. Mizoram cozah zung vei 10 lenglo arak bauh zo ih thilri a ruh hnuah an khualam ih a tlungsal ṭheu ruangah an kai ngah thei lo tin an tarlang.

India sumpai ting 14 lenglo man thilri arak ru zo, 2018 le 2019 kum khalah Champhai cozah zung arak bauh zo. Mizoram khua dangdang ah feh in thil arak ru ṭheu ruangah vei 4 rori thawng a tla zo.

James Van Lal Tlana cu Myanmar mi vekin a rel’aw nan Rihkhawdar kiangkap hrawngin an theih dah mi a si lo thu an rel.

Be the first to comment

Leave a Reply

Your email address will not be published.


*