Muvalai: Kum 70 Tiang Nungdam thei

Muvalai hi leitlun ah kum rei bik nungdam thei vate a si ih, kum (70) tiang a nung thei. Asinan hitiih kum reipi an nun theinak dingah kum (40) an kim tikah harsatnak an tonmi a um ih, cui an tonmi harsatnak parah a thupi zetmi thuṭhencatnak pakhat an tuah.

Kum (40) an kim tikah an tin pawl an siat thok. Cun an hmur khal an awm tiang sau vivo ih a kawi bet fawn. Culawng siloin an thla pawl khal a rit deuhdeuh ih an hmul pawl khal a sah deuhdeuh ruangah an zuan tikah an harsa ngaingai ih, an baang thei zet.

Curuangah muvanlai pawl hi kum (40) an kim tikah hril tengteng ding mi pahnih an nei: (1) Ziangkhal tuah nawn loin um men ih thih mai ding maw? (2) A har zetmi pawl pahtlang ih nungdam in um lai ding maw? Ziangkhal tuah lo in um men ih thih mai ding hnakin harsatnak do ih thih ding hi a sunglawi deuh ding.

Curuangah a sang zetmi tlang pakhat parah an zuang ih, bu an sak. Cutin an zuang nawn lo ih an sahmi bu kiangkap hrawng tete ah lawng an um. Hitiih an um caan hi an um thok ihsin a net tiang hi ni 150 (kum hrek zikte) a rei. Curuangah thazang thar thawn khat in a nundam vivo theinak dingah a sangsang ten hitin a tuah.

(1) A hmaisabik ah a hmur kha lungto tumpi parah siat ko dingin a rawt ciamco. (2) Cutheh in hmur thar a suak hlan lo dai ten a um khiaukhi.
(3) Hmur thar a suah/neih hnu cuih hmur thawn a ke-tin pawl kha pakhat hnu pakhat a dirsuak/thlong ṭheh.

(4) Ke-tin thar a kheu/suah hnu lawngah a thla hmul pawl pakhat hnu pakhat a thlong lala. (5) Ni suahnak lam hoi in a mit in zing ni tleu hi a zoh ringring. (6) A thla thar pawl an kheusal hlan lo dai ten a um.

Himi caan te hi a harsat laifang caan a si ih a ni cun ni-150 a rei. Cuihsi cun muvanlai cu thazang thar thawn a khatsal ih sang zetzet ah a zuang theisal. Kum 30 sung a nundam vivo theinak dingah kum 40 a kim tikah thinlung pacang zet in thlengawknak a tuah aw.

Cutin muvalai hi kum 70 tiang nungdam in a umsal thei. Himi thil cangmi hi thlengawknak (change) pakhat a si. A caancaan ahhin kan nunnak ah har zet ih thuṭhencatnak kan tuahmi a um ko ding.

ZIRH DUHMI
(1) Hlawntling zetmi kan si theinak dingah cun kan thinlung sungih ruahnak ṭha lo, a ṭha lomi kan mizia pawl thlong/hlon ṭheh in ruahnak dik, lungput ṭha le sunmang thar thawn kan nunnak remṭhat ding a si.

(2) Rannung a simi muvanlai hman a taksa parih um a ṭul nawn lomi pawl a hlon thei ah tla cun ruahnak nei minung pawl in ziangah kan thleng (change) aw thei lo ding. (3) Thlengawknak (change) hi ol te ih a cangsuak theimi a si lo. Thinlung pacang zet in thungaithlak ih tuah ṭulmi a si. (Lairawn Meifar)

Be the first to comment

Leave a Reply

Your email address will not be published.


*