Naupai Nu Pakhat Cu Danglam Zetin Naute Dang A Paisal

Naupai lai in naute dang a paisal ti cu thilmak zet a si, naupai lai ih naute dang a paisal cu Superfetation tin an ko ih hivek tong cu an mal zet. Leitlun huap ah minung 12 lawng an um lai a si, naupai lai rori in naute dang a paisal theidan cu sibawi pawl khalin an simfiang thei hrih lo.

2020 kum ah England, Wiltshire ih um innsang nu pakhat Rebecca Roberts (kum 39) cu nau a pai. Sikhan ah an piahaw ṭheu ih an zohdik hnuah mipa a pai ti an sim thei, cun ultrasound an zoh ih a naupai cu pakhat lawng ti an thei. Cutin, sikhan ah an piahaw ṭheu ih zarhthum hnuah naute dang a paisal ti an thei, neta sawn a pai mi cu nunau a si.

Sibawi pawl khal an mangbang tuk ih ziangtin naute dang a paisal thei ti cu an simfiang thei lo a si. Phir unau vek an si nan an pai ni cu a bangaw lo, mipa sawn cu Noah tin a hmin ah an sak ih September 2020 ah a piang.

A piang hnu thla 2 le hrek 2020 Christmas sun ah a nau sawn nunau cu a piang ve a si, an fanu hmin ah Rosalie tin an sak. Faphir vek an si nan an pai caan le an suah caan khal a bangaw lo a si. An harhdamnak cu a ṭha zet ih thla 2 le hrek in an thlau aw a si. Rebecca Roberts le a pasal Rhys Weaver (kum 43) in fanu kum 14 mi Summer timi an nei zo a si.

Be the first to comment

Leave a Reply

Your email address will not be published.


*