Nupi/pasal Nei Lo Hnakin Neihsual A Ṭihnung Sawn!

Nupi/pasal tawn lo ding hi cu phang ding a um lo lawlaw, ziangahtile leitlun ah fala le tlangval siarcawk lo a tawr le ceng in an um. Asinan nupi ṭha le pasal ṭha tawn ngah lo pang ding hi cu phang a um nasa.

Ziangahtile nupi lole pasal na neihsual pang ahcun rawl suan sual mi bangih vok rawl ah vun hlawn men le a theih lo. Hnipuan tawk lo mi bangih midang vun ṭhen mei dingah le a ngah fawn lo. Vok le ar bangih vun vuak thah mei dingah le a cang thei nawn ta lo.

Nupi le pasal neihsual hi cu boot thar mawi zet nei si, asinan ke tet zet bet hlei ih lungto hrukcih mi vek a si ding. A lenglam ih zoh cun mawi zet le duhumzet vek a bang ding nan, a taktak nun cu cik ke pak hlir in khua na sa ding!

Curuangah, a tlangval lai mi le a fala lai mi pawl, “Neihsual hnakin rei deuh fala le tlangval hrih kha a ṭha sawn” ti hi theithiam in hmanhmawh tuk loten thlacamnak thawn kukbil in Pathian hnenah dil hrih phot uh law! Nupi le pasal thu ahcun neihsual hnakin neih lo mei a ṭha sawn”. (Ramthim Arsi)

Be the first to comment

Leave a Reply

Your email address will not be published.


*